Шена ваккхар Молла Эсартан да-нана холчахь хилла, несо кертахь долчу гIуллакхах куьг ца тухуш, чохь нуй-горгам ца хьокхуш, юучун гIайгIа ца беш а.
— Зуда ялийна доьзалхо шена воккхуш ма хуьлу. ТIаккха шаьш лаха дезий, шаьш динарг бен хир доций а хуур ду. Бов ваккха, — хьехар дина лулахоша.
Суьйрана Молла Эсарт, нус чу а кхайкхина, царна луш йолу пхьегIа, шинар, эса, котам, бад ягар а йина, оцу даьхнин дола дан дезар дуйла а хаийтина, шайх дIакъастош, бов даьккхина дас, нанас а.
Iуьйрана котамаш, эсий а аралахка уьйтIа яьллачу несана, ламаз оьцуш йоллучу марненах бIаьрг кхетта.
— Ви-и, ма шена яккхар а ду, уьйтIа яьлча марнана а гуш, — аьлла цо.
